( قلبي متيم )
كلمات شرين سعد أحمد
شاعرة جنوب الوادي
قلبي متيم بالنبي
عشقي وهوايا محمدي
ما انت حبيبي يا نبي
وغالي عليا
دا أنا شوقي زاد يا نبي
وأتمنى ازورك يا نبي
ملهوفة لتراب النبي
لا لوم عليا
،،،،،،،،،،،،
فرحانة بذكره أنا
ملا حياتي هنا
لو حتى أعيش مية سنة
همدح نبينا
جالي ف منامي وندا
ووصفي ليه ابتدا
عطشانة ورواني الندى
من نور نبينا
،،،،،،
قولوا وصلوا معايا
وسلموا تزيد الهداية
اسمه نور في سمايا
وضلل علينا
،،،،،،،
اوعاك في يوم تكون
بخيل
حن إليه جذع النخيل
ردد وسلم في الأصيل
على نبينا
حتى السحابة غطته
سارت معاه في هجرته
قالوا دا بدر ف طلعته
هالل علينا
،،،،،
قولوا وصلوا معايا
وسلموا تزيد الهداية
اسمه نور في سمايا
وضلل علينا
،،،،،،،،
ختم الرسالة وتمها
والأمة شايل همها
يوم القيامة يضمها
بشفاعة لينا
ساجد بتدعي بدمعتك
طالب ياربي رحمتك
ويوم ما نبقى ف صحبتك
تتباهى بينا
،،،،،،
قولوا وصلوا معايا
وسلموا تزيد الهداية
اسمه نور في سمايا
وضلل علينا
،،،،،،،،،،
قلبي متيم بالنبي
عشقي وهوايا محمدي
ما انت حبيبي يا نبي
وغالي عليا
دا انا شوقي زاد يا نبي
واتمنى ازورك يا نبي
ملهوفة لتراب النبي
لا لوم عليا
،،،،،،،،،
قولوا وصلوا معايا
وسلموا تزيد الهداية
اسمه نور في سمايا
وضلل علينا
المشاركات
0 تعليق
اتبع التعليمات لاضافة تعليق