نخافو نحبو .. بقلم ناية ماكني

 

حتى ولو نعرفو الانسان المناسب و نرتاحولو اما باقي نحسو فما حاجة فينا ترجعنا و تخلينا نرفضو ندخلو في اي علاقة .. معادش مهم احساس الحب و الاهتمام على قدر اهمية الانسان اللي قدامنا يستحق نعطيوه من الحب و الفرحة و كل شي ولى لا .. يستحق الثقة ولى لا ..  نخافو اننا نقدمو .. انو يتعاودو حاجات صارو قبل و يستغلو كل حاجة محلاها فينا .. اما اذا عرفت انسان يستاهل .. و حبيتو ؟ و رتحتلو و تحس بالامان معاه .. ادخل معاه في علاقة ميسالش .. خاتر الحياة هاذي نعيشوها مرة وحدة و ما فيها باس نجربو و نعيشو تجارب في الحياة و نتعلمو ولو نتغدرو الف مرة ميسالش .. اما اهم حاجة .. الثقة .. و رد بالك يمشي فيبالك انك تنجم تعديها على بنت الناس .. كان وافقتلك على حاجة راو فيبالها و فايقة .. غير تحبك