مخيبها عقليتنا بقلم نايه ماكيني

 

.. وقت الطفلة يخطبوها و ما يكتبش المكتوب ولى توصل لعمر معين تولي كاينها منبوذة و عادي يخرجوها خايبة هذا الكل خاتر ما عرستش .. علاش تحكمو على بنات الناس بالخايب للدرجة هاذي ؟ علاش ما تقولولش انها ما لقاتش انسان يحبها و تتفاهم معاه ؟ تحبوها طيش روحها في عمر صغير و ترضى بلي يجي باش يقولو عرست؟ و برا كان ما عرستش ؟ هو العرس انجاز ؟ و شنوا فيها عيب كان تبقى حتى لعمر ال 40 كان لزم و ما تعرسش ؟ كلو مكتوب و العرس مش مربوط بعمر قد ماهو التزام بين زوز يحبو بعضهم انهم باش يكونو مبعضهم في الحلو و المر .. 

بنات الناس ماهمش سلعة باش تقول ناخوها قبل ما تكبر و تخزز .. 

اللي ما ترضاهش لبنتك ما ترضاهش لبنت الناس ..