تعرف علاش هي ماهيش مصوحبة ؟ خاترها فدت من كذبكم و نفاقكم بقلم نائيه ماكني

 

تعرف علاش هي ماهيش مصوحبة ؟ خاترها فدت من كذبكم و نفاقكم .. فدت من مشاعركم المزيفة و ضربان اللوغة متاعكم .. فارس أحلامها اللي في مخها بعيد كل البعد عليكم و على تصرفاتكم .. تغزرلكم من بعيد تلقاكم الكل تتكالبو على ريحة الانثى وتعملو المستحيل باش توصلو لبدنها و نهار و طولو تحكيو بالطفلة اللي تصوحبوها لصحابكم الولاد .. هي ما حاشتهاش بعباد تتصرف كيف هكا و تتفورخ .. هي حاشتها بشخص يفهمها يحس بيها يهتم بتفاصيلها بضحكتها بفرحتها و يسألها وين تمشي و وين تجي و يقلها رد بالك على روحك و كي تخرج للشارع تبدى تقول عندي راجل و ترتاح خاتر عندنا راجل و سيد الرجال و هذا اللي هي تحبو .. موش عبد يبدى نهار و طولو مكلوب على خاتر بوسة و يجري وراها باش يعنقها و يزيد يطلب منها حاجات مش معقولة و وقتلي هي ترفض يقلها انتي ما تحبنيش و ريت روحك و يمشي على روحو .. ريتو الفرق ؟ فما زوز أنواع مالرجال اللي يصوحبو بالحق .. فما اللي مهما تغلط معاه يبدى يضحي على خاترك و يسايسك و ينحيلك عيوبك و فما اللي من أول طلب يطلبو منك و انتي ترفض خاتر تربيتك ما تسمحلكش يقلك نمشي على روحي و يزيدك أكا الجملة العالمية متع .. كان جا حاشتي راني مشيت صوحبت أي طفلة أما انا حاشتي بيك انتي .. و هوا يكذب عليك و سفيه وعادي يجيك انسان يبدى يضحي على خاترك و تراه انتي يحبك .. أما للأسف يضحي على خاترك على حاجة يحب ياخوها منك موش على خاترو يحبك .. ريتو توا علاش هي ما تحبش تصوحب ؟ ترضى انها تكون وحدها و بالها مرتاح خير ملي تتخلط مع الذرّي